Aallaqqaasiut

Pinerluttuliortarnermut kisitsisitigut paasissutissani matumani saqqummersinneqartuni 2019-imi unnerluussinerit pinerluttuliorsimanerillu aalajangiiffigineqarsimasut ilanngunneqarput. Ukiup siulianut sanilliullugit inatsisinik unioqqutitsinerit 17 pct.-inik qaffariaateqarsimapput, tamannalu kinguaassiutitigut pinerluttuliornerit aamma toqutsineq timimillu pinerliinerit annertuseriarsimanerinik pissuteqarpoq.        

 

Pinerluttuliortarneq pillugu kisitsisitigut paasissutissat Kalaallit Nunaanni pinerluttulerinermut inatsimmut unioqqutitsinernik tunngaveqarput, taakkununnga angallannermut inatsit ilaavoq. Pinerluttuliortarneq pillugu kisitsisitigut paasissutissani takuneqarsinnaavoq inatsimmik unioqqutitsinermiit pisup suliarineqarnera, tassa unnersuussaanermit, pasineqarnermut, taamaattoqarsimatillugulu pasineqarnermit aalajangiinermut.  

 

Pinerluttuliortarnermi kisitsisitigut paasissutissani unnerluussinerit aammalu aalajangiinerit amerlassusaat naatsorsorneqarput. Unnerluussineq ataaseq tassaavoq pinerluuteqarneq ataaseq (inatsimmik unioqqutitsineq ataaseq), inuillu arlaliusinnaapput (unioqqutitsisullu ilaannai imaluunniit tamakkerlutik aalajangiiffigineqarsinnaallutik). Paasisaqarnerorusukkuit periaatsip immikkoortua takuuk.